Psalms 142
Okusaba kwa Dawudi bwe yali mu mpuku.
1 aNkaabirira Mukama n’eddoboozi ery’omwanguka;neegayirira Mukama ansaasire.
2 bMmutegeeza byonna ebinneemulugunyisa,
ne mmwanjulira ebinteganya byonna.
3 cOmwoyo gwange bwe gunnennyika,
gw’omanyi eky’okunkolera.
Banteze omutego mu kkubo lyange mwe mpita.
4 dBwe ntunula ku mukono gwange ogwa ddyo, sirabayo anambeera;
sirina wa kwekweka, era tewali n’omu anfaako.
5 eNkaabirira ggwe, Ayi Mukama,
nga ŋŋamba nti, “Ggwe kiddukiro kyange,
ggwe mugabo gwange mu nsi muno.”
6 fOwulire okukaaba kwange,
kubanga njeezebwa nnyo!
Mponya abanjigganya,
kubanga bansinza nnyo amaanyi.
7 gNziggya mu kkomera,
ndyoke nkwebaze nga ntendereza erinnya lyo.
Abatuukirivu balinneetooloola,
ng’onkoledde ebyekisa ekingi ebingi.
Copyright information for
LugEEEE